Zaldibia

Hezkuntza parte-hartzeari buruzko jardunaldian aritu da lanean Lardizabal

Gasteizeko Salburua gizarte etxean, 'KomunitateAGO, Euskal Eskola Publikoa elkarrekin eraikitzen' jardunaldia ospatu zen atzo. EHIGE eta HEIZE elkarteek antolatutako ekitaldi honek hezkuntza-komunitatearen parte-hartzearen garrantzia azpimarratuko zen, eta eskola parte-hartzaileago eta demokratikoago baten eraikuntzan sakontzea izan zuten helburu. Jardunaldiak abenduan aurkeztutako Eskola-kontseilua ebaluatzeko eta hobetzeko tresna dokumentuaren jarraipena izan zuen, eta hezkuntza-komunitatearen parte-hartzea sustatzeko erronkak eta aukerak aztertu ziren bertan.

Euskal Eskola Publikoaren gobernantza-eredua parte-hartzean oinarritu behar dela aldarrikatu zen ekimenean. Izan ere, ikastetxeetako hezkuntza-komunitatearen inplikazioak abantaila ugari ditu, bai ikasleen garapenean, bai hezkuntza-prozesuaren kalitatean. Hala ere, parte-hartzeak erronkak ere jaso zituen, bereziki egoera ahulean dauden familien edo komunitatean parte har-tzeko ohiturarik ez dutenen kasuan. Horregatik, jardunaldian zehar, parte-hartzea zailtzen duten faktoreak, hauek gainditzeko proposamenak eta komunitate osoaren inplikazioa sustatzeko gakoak eztabaidatu zituzten.

Egitarauaren barruan, hainbat adituren hitzaldiak eta esperientzia praktikoak partekatu ziren. Jardunaldiari hasiera emateko, Jordi Collet Vic-eko Unibertsitateko Hezkuntzako Soziologiako irakasleak eskola, familia eta komunitatearen arteko harremanei buruzko ponentzia eskaini zuen. Colletek esparru kontzeptuala definituko du eta azken 25 urteetan bildutako esperientzien inguruko gakoak eskaini zituen. Bere hitzaldian, parte-hartzearen garrantziaz gain, eskola demokratiko baten eraikuntzan komunitatearen konpromisoak duen eragin zuzena azpimarratuko nahi izan zuen.

Esperientzia praktikoen artean, Lardizabal eskolaren parte-hartzea nabarmendu behar da. Ikastetxe honek familia guztien inplikazioa sustatzeko garatzen dituen ekimenak aurkeztu ziren. Eskola honetan, parte-hartze inklusiboaren aldeko apustua egiten dute, eta familia guztiek komunitatean duten papera indartzeko estrategiak garatzen ari dira. Horrela, jardunaldiaren baitan beren esperientziaren berri eman zuten, bestelako ikastetxeek ere eredu hau bere egitera anima daitezen. Izan ere, Lardizabal eskolak hainbat proiektu garatu ditu familien inplikazioa errazteko, esaterako, eskola-kontseiluan aktiboki parte hartzea sustatzeko eta familientzako topagune lagungarriak sortzeko. Horrek guztiak haurren hezkuntza-esperientzia aberasten indartzen du.

Amaieran, EHIGEk berriki argitaratutako 'Nola parte hartu eskola-kontseiluetan' gida aurkeztu zuten. Honek, ikastetxeetako kontseiluetan parte hartu nahi duten familientzako baliabideak eta orientabideak eskaintzen ditu, parte-hartzea errazte aldera. Gainera, eztabaida-taldeak ere antolatu zituzten, eta ondorio gisa, parte-hartzea hobetzeko erreminta-kutxa bat osatu zuten.