Ibarra

Euskal Herriko Sokatira Txapelketa gaur Belabietan

Gaur goizean talde mixtoen arteko Euskal Herriko Sokatira Txapelketa jokatuko da Belabieta Kiroldegian. Jardunaldia 11:30ean hasiko da eta hamar talde arituko dira lehian: Abadiño, Amaiur, Antsoain, Badaiotz, Berriozar, Beti-Gazte, Gaztedi A, Gaztedi B, Ibarra A eta Ibarra B. Talde bakoitzean lau neska eta lau mutil arituko dira.

Bestalde, bihar, astelehena, 18:00etan Ibarrako kultur etxean, Ahoz aho Nazioarteko Ahozkotasunaren Jaialdiaren baitan, Elssie Xalbador kontalariak haurrei zuzendutako ipuin-kontaketa saioa eskainiko du. Saioa euskaraz izango da eta doakoa da.