Ibarra sokatirako emakumeak bigarren izan dira Euskal Herriko Txapelketan

Pasa den larunbat arratsaldean, Euskal Herriko Sokatira Txapelketak jokatu dira Arabako Pobes herrian. Bertan gizonezkoen 640 Kg-ko eta emakumezkoen 540 kg-ko finalak lehiatu dira. Ibarrak emakumezkoen mailan parte hartu zuen, aurreko asteburuetan lehiatutako talde berdinen ligaxkarekin jarraituz: Gaztedi, Beti Gazte, Badaiotz, Abadiño, Amaiur eta Ibarra. Gizonezkoek, aldiz, ez zuten sailkatzerik lortu.

Beti Gazte eta Ibarraren artean puntu berdinketa izanik, Ibarrako taldea gogor saiatu zen nafarren aurka. Ezin izan zuten ordea txapela etxeratu, baina oso maila ona erakutsi zuten, 2. postuan amaituz eta zilarrezko domina eskuratuz. 500kg-ko txapelketari begira, eskualdekoek gogor entrenatzen jarraitzen dute, txapela etxera ekartzeko ilusioz.

Horrela, emakumezkoen sailkapena hurrengoa izan zen: 1. Beti Gazte, 2. Ibarra, 3. Gaztedi, 4. Badaiotz, 5. Amaiur eta 6. Abadiño. Taldeek lortutako puntuak kontuan hartuta, Ibarra eta Beti Gazte daude lehen postuan, 11 punturekin berdinduta. Puntu berdinketa izanik, taldeek ahalik eta txukunen tira beharko dute. Akatsik txikienak ere eragin baitezake lehen postua lortu eta txapela irabazterako garaian.

Gizonezkoen kategorian berriz, 8 taldek hartu zuten parte ligaxkan: Ibarra, Zuraide A, Zuraide B, Beti Gazte, Amaiur, Ñapurrak, Gaztedi eta Abadiño. Aurreko asteburuetan lortutako puntuazioaren arabera, 6 talde sailkatu ziren finalerako. Ibarrako mutilen taldeak ordea, ez du finalera sailkatzerik lortu. Pobeseko finalean, Beti Gazte izan zen txapeldun, eta horrela, bi mailatan Ipar Irlandan jokatuko den Munduko Txapelketan Euskal Herria ordezkatzeko txartela eskuratu zuten. Gaztedi eta Ñapurrak izan ziren bigarren eta hirugarren gizonezkoen finalean.