Ibarrako IX. Urte Zahar Krosa antolatu da

Urtea agurtzeko krosa antolatu da Ibarran, bederatzigarren edizioa izango dena. Haur zein helduentzako lasterketak antolatuko dira abenduaren 31n, larunbata. LH1etik DBH2ra bitarteko ikasleentzat 16:00etan egingo da lasterketa eta, DBH3tik gorakoentzat 16:30ean. Aurten ere, elkartasun krosa izango da eta izena emateko janari pakete bat eraman beharko da. Izena emateko ostiralean (17:00-20:00) eta larunbatean bertan (14:30-16:00) jarriko da postua plazan. Korrikalari txikienek goxoki zorro bat jasoko dute; LH3tik DBH2rakoek kamiseta bat eramango dute etxera eta parte hartzaile helduen artean Ibarrako merkatari eta ostalariek eskainitako produktuak zozketatuko dira.