Ibarra

Ibarratik Izaskun auzorako bidea itxita egongo da gaur farolak aldatzeko

Herrigunetik Izaskun auzora doan bideko farolak aldatu egingo du Ibarrako Udalak eta, horregatik, bidea itxita egongo da. Lanak Arrigain etxearen parean hasiko dira eta beherantz joango dira farolak aldatzen, Argindegiarte etxeraino. Tarte horretan bidea moztuta egongo da ia egun osoan.

Lanak goizeko 8:00etan hasiko dira eta arratsaldeko 18:00ak arte iraungo dute.

Izaskungo ermitaren inguruko bizilagunek Tolosako bidea hartu beharko dute Ibarrara jaisteko ibilgailua erabiliz gero. Bide horretan bizi diran gainontzeko bizilagunek, lanak momentu horretan dauden lekuaren arabera Izaskun aldera edota herrigune aldera jo ahal izango dute.