Ibarra

Ikastolako patioa eraberritzeko prozesuaren saioa bihar

Uzturpe ikastolako kanpo espazioa edo patioa diseinatzeko parte hartze prozesua jarri zuen Ibarrako Udalak, Ikastolarekin elkarlanean. Orain arte herriko egunerokoa eremo garrantzitsu eta bizia izan da eta hemendik aurrera ere herritar guztien zerbitzura egotea bilatu nahi dute. Udazkenean abiatu zen patioa eraberritzeko parte hartze prozesua eta bihar arratsaldean jasotako emaitzen berri emango da.

Bilera Txontxo lokalean egingo da, 18:00etan, eta ordubete inguruko iraupena izatea aurreikusten dute. Bertan ondorengo gaiak landuko dituzte: 1.-Jani de Andresek gidaturiko 'Uzturpe Ikastolako kanpo espazioa eraberritzeko diseinu parte hartzailea'ren aurkezpena; 2. Diseinua kontuan hartuta udalak onarturiko obra proiektuaren berri ematea, LZB arkitektoen proiektua, aurrekontua eta azalpenak, Zer ez den sartu eta etorkizunean zer osatu beharko den auzolanean edo proiektu txikiei esker; 3. Patioko hormaren erorketa eta azken gertakariak, zer gertatu zen eta nola dagoen; 4. Patioko obraren esleipena eta obrari buruko informazioa, noiz hasi eta amaituko den; 5. Eta ondoren zer? Herriko haurrentzako erakargarria den patioari bizitza eta jarraipena eman, osatzea, zaintzea, aberastea, mantentzea denen artean eta denontzat.

Ibarrako Kontsumo bulegoa ostegunetan dago irekita, 9:00etatik 14:00etara, udaletxean, herritarrei zerbitzua emateko.