Ibarra

Ipuin-kontaketa saioa gaur liburutegian, Ahoz Ahoz jaialdiaren baitan

Gaur asteazkena, martxoak 15, arratsaldeko 18:00etan Ibarrako kultur etxean, 6 eta 9 urte bitartekoentzat ipuin kontaketa saioa eskainiko du Martha Escudero kontalari mexikarrak Ahoz Aho Nazioarteko Ahozkotasun jaialdiaren baitan. Saioa gaztelaniaz izango da eta sarrera doakoa da.

Aurtengo Sanbartolome jaien antolaketari ekiteko asmoz, datorren asteazkenean, martxoak 22, iluntzeko 19:00etan udal batzar aretoan, Festa Batzordea elkartuko da. Bertan, ondorengo gaiak landuko dituzte: 1.- Txupinazoa, koadrilen bazkaria eta piparra; 2.- Datak: abuztuak 23tik 27ra; 3.- Aurrekontua: 95.000 euro; 4.- Batzordearen antolaketa, proposamenak; 5.- Eskari-galderak; eta 6.- Hurrengo bilkuraren data zehaztea.