Ibarra

Koroaren kontzertua, bihar Kultur Etxean

Koroak ikasturte amaierako kontzertua eskainiko du bihar ostirala Ibarrako Kultur Etxean. Emanaldia 19:00etan hasiko da, sarrera irekiarekin, eta bertan estilo ezberdinetako kantak abestuko dituzte: 'Todo cambia', 'Canción de cuna', Ixil ixilik dago', 'Baratze', 'Nabucco', 'Aldapeko', 'Zure Bidean', 'Mendian gora haritza' eta 'Ibarra'.

San Bartolome jaietan aurten ere haurren danborrada antolatuko da, abuztuaren 24an bertan. Lau urtetik hasi eta hamabost urtera arteko haurrek eta gazteek parte hartu ahal izango dute. Danborradan atera nahi dutenentzako izena ematea irekita dago, datorren ekainaren 14ra arte. Izena emateak Zubiaurre tabernan edo Oramahi Makiu okindegian egin beharko dira. Danborradan ateratzeko kamixetarik ez dutenek, izena ematerakoan zein kamixeta neurri behar duten idatzi dezakete eta egun horretarako kamixeta bat utziko zaie.