Kultur lantegietan izena emateko epea luzatu egin da

El Diario Vasco

IBARRA.

Viernes, 15 de octubre 2021, 00:22

Comenta

Kultur lantegietan izena emateko epea urriaren 6an amaitu zen, eta hiru ikastarotan jendeak izena eman badu ere, taldea osatzeko gutxieneko ikasle-kopurua bildu ez denez, urriaren 29ra bitartean izena emateko bigarren deialdi bat zabaldu du Udalak. Hain zuzen, honako tailerretan izena emateko aukera luzatu da: Egur-taila, astearte eta ostegunetan. 18:00etatik 20:00etara; Pintura, astearte eta ostegunetan. 16:00etatik 18:00etara, eta Sabel-dantza, asteazkenetan 19:45etik 21:45era.

Bestalde, Ibarrako udalak, Tolosaldea Garatzeneko migrazio eta aniztasun sailarekin batera informazio-saioa egingo du gaur arratsaldean, 18:00etan, kultur etxean.

Atzerritartasun-paperen tramiteei buruzko hitzaldi praktikoa izango da, eta hainbat gai landuko dituzte, besteak beste, lan munduan errotzea, gizartean errotzea, familia berrezartzea, ikasketengatik egonaldia egitea, atzerritarrak kontratatzea eta baimenak berritzea.