Ibarra

Madariagako bi etxeak erosi ditu Udalak

Ibarrako Udalak Madariagako bi eraikin erosi ditu, Emeterio Arrese kaleko 15 eta 16. zenbakiei dagozkienak, 800.229,78 euroko aurrekontuarekin, BEZ gabe. Gaur egun maizterrak bizi dira bertan, baina Udalaren asmoa etorkizunean eraikin horiei erabilera berri bat ematea da, herritar guztiei irekia. Haurreskolaren aurrean daude bi eraikinak. Horietako batean, futbol zelaiaren aldean dagoenean, bizi izan zen gaztaroan Emeterio Arrese olerkari tolosarra.