Ibarra

San Bartolome eguneko haur danborradan izena emateko epea ireki da

Aurten ere Ibarrako jaietan haurren danborrada egingo da San Bartolome egunean. 2009 eta 2019 artean jaiotakoek parte hartu ahal izango dute oraingoan. Izena ematea irekita dago jada ekainaren 21era bitartean Zubiaurre eta Danon Txokoa tabernetan. Izena ematerakoan haurrak jaietako kamiseta duen ala ez jakinarazi beharko da. Ez dutenei antolakuntzak utziko die kamiseta bat danborrada egunerako izena ematerakoan jarritako tailakoa.

Era berean, bost entsegu egun antolatu dira: ekainaren 27an; uztailaren 4, 11 eta 18an; eta abuztuaren 22an. Plazako aterpean egingo dira 19:00etan. Danborradarako beharrezko arropa ekainaren 27ko entseguan banatuko dira.