Ibarra

San Bartolome festak antolatzeko batzordearen bilera egingo da bihar udaletxean

San Bartolome festak antolatzeko lanak hasi dira Ibarran eta bihar, asteazkena, Festa Batzordeak bilera egingo du udaletxeko batzar aretoan. Bilera arratsaldeko 19:00etan hasiko da eta herriko elkarte, talde eta eragileak, zein herritarrek parte hartu dezakete beraien proposamenak egiteko.

Biharko bileran ondorengo gaiak zehaztuko dituzte: haur eta gaztetxoen festa batzordearen proposamenak; jai-egitarauaren lanketarekin jarraitzea; eskari-galderak; eta, azkenik, hurrengo bilkuraren data zehaztea.