Idiazabal

Aita Iparragirre Herri Eskolako jolastokia berritzeko prozesua martxan

Aita Iparragirre Herri Eskola, bere jolastokia eralda-tzeko prozesuan murgilduko da datozen hilabetetan. Datorren astean, eskola-umeei eskainitako jardunaldi berezi batekin hasiko da prozesua, bihar goizean, eta ondoren, proiektua gurasoei aurkeztuko zaie arratsaldean, 16:45etik aurrera.

Udalak eskola-komunitatearekin lankidetza estuz bultzatutako ekimen honen helburu nagusia eskolako jolastokiaren espazioa birpentsatzea eta haurren behar eta nahiei modu eraginkorrean erantzungo dien giroa sor-tzea da. Sormena, jolasa eta ikasleen arteko bizikidetza osasungarria sustatu nahi dira.

Prozesuaren buru, Hirian At kooperatiba izango da, hezkun-tza-komunitateko kide aktiboa, eta eskolaren behar espezifikoak identifikatzeaz arduratuko da. Gainera, kooperatiba horren ardura izango da espazio berriak konfiguratzea eta eraikin berriaren programa arkitektonikoa zehaztea.

Eraldaketa-prozesua funtsezko lau fasetan garatuko da: proiektua lantzea, diagnostikoa, diseinua eta itzulpena. Prozesu hori ikasturtearen amaierara arte luza-tzea espero da, ekainean eta uztailean.

Prozesuaren helburuak nagusiak, hezkuntza komunitatearen parte-hartzea sustatzea, eskolaren beharrak identifikatzea, eraikin berriaren programa arkitektonikoa definitzea eta espazio berrien konfigurazioaren ezaugarritzea da.

Prozesu horretan, ikasleen, langileen, gurasoen eta, oro har, komunitateko kideen iritziak eta iradokizunak jasoko dira. Ordezkaritza ekitatiboa bermatzeko, talde eragile bat sortuko da, IGEko ordezkariak, eskolakoak, jantokiko arduraduna eta proiektuaz arduratzen den arkitekto-taldea bilduko dituena. Parte hartze prozesua aurrera eramateko, Udalak 30.000 euroko aurrekontu-partida esleitu du, tokiko hezkun-tza-ingurunea hobetzeko eta garatzeko konpromezua islatuz.