Idiazabal

Berpiztu jaialdiaren bigarren edizioa larunbatean ospatuko da

Larunbatean, martxoaren 23an, 'Berpiztu jaialdia' ospatuko da Idiazabalen bigarren aldiz. Antzar Crew kultur elkarteak antolatutako jaialdi hau Zelaako kiroldegian izango da 20:00etatik aurrera.

19:00etan izango da ate irekiera, eta Orreaga 778, Kontralde, Deskontrol, Azken Sustraiak eta Arene 6 taldeen kontzertuak izango dira. Hauek amaitzean, Pineaplle Sueets Dj-en saioa eskainiko da bertan.

Zelaan bertan afaltzeko aukera ere izango da. Sarrerak salgai daude oraindik 16 eurotan, Odei tabernan eta enteadium.com web horrian. Egunean bertan ere eskuratzeko aukera izango da, 20 eurotan.