Helduentzako ikastaroa antolatu du Axari dantza taldeak

Euskal dantzak ikasteko gogoa duten edonori zuzenduta, dantza ikastaroa antolatu du Axari dantza taldeak. Urte asko dira umeentzako dantza klaseak ematen dituztela, eta aurten jubilatuentzako talde bat ere osatu dute. Oraingo honetan, 18 urtetik gorako edozein helduri zuzenduriko ikastaroa antolatu da.

Uztailaren 6an, arratsaldeko 19:30ean, egingo da lehenengo topaketa Guraso Elkarteko aretoan. Animatzen den pertsona kopuruaren eta perfilaren arabera zehaztuko dira hurrengo saioak. Dantza ikastaroa, doakoa eta irekia izango da.

Informazio gehiagorako, Axari dantza taldearen Instagram edo axaridantzaxari@gmail.com emailera idatzi beharko da.