Idiazabalgo erregistro zibil historikoaren datu basea sortu da

Hilabete luzeetako bolondres lanaren ondoren, Koldo Argandoña artxibo-arakatzaileak Idiazabalgo erregistro zibil historikoaren datuak banan-banan jaso eta datu base bat sortu du.

1880 eta 1948 urteen artean Idiazabalen izandako 2.624 jaiotza, 428 ezkontza eta 1.638 heriotza erregistrok osatzen dute funtsa. Idiazabalgo Udalaren esku utzi duen datu base honei esker, aurreko idiazabaldarrei buruzko informazio baliotsua kontsultatzeko aukera izango da hemendik aurrera.

Idiazabalgo pilota txapelketaren aurtengo edizioa, bere amaierara iritsi da eta bihar jokatuko dira finala zein hirugarren eta laugarren postuak erabakitzeko partidak.

Hitzordua, Igarondo pilotalekuan izango da arratsaldeko 19:15etik aurrera. Hirugarren eta laugarren postuak finkatzeko partidan, Rekalde eta Zalakainek, Amiano II eta Loza izango dituzte aurkari. Finalean berriz, Apezetxea eta Gabirondok osaturiko bikoteak, Lara eta Albeniz izango dituzte aurrez aurre.

Aipatzekoa da ere, Iker Garcia idiazabaldarrak, ezin izan zuela aurreko asteko finalerdia jokatu, hatz batean min hartuta zegoela eta.

• Temas
• Guipúzcoa