Ikasturte berriari ekin dio Idiazabalgo Gaztelekuak

Pasa den larunbatean, urriaren 1ean, berriro ere bere ateak zabaldu zituen Gaztelekuak. Zerbitzua, LH 6, DBH 1 eta DBH 2ko gaztetxoei zuzendurik dago eta Udaletxe Zaharreko 3.solairua izango da elkarlekua.

Idiazabalgo Udalaren Berdintasun sailak antolatzen du eta gazteentzako aisialdi hezitzailea eskaintzea du helburu eta horretarako gizarte hezitzaile bat izango dute gidari. Zerbitzua, larunbat eta igandeetan eskainiko da, 16:30etik 19:30ak bitartean.

Zerbitzuaren aurkezpena egiteko berriz, bihar, 18:30ean gurasoei zuzenduriko bilera bat burutuko da Gaztelekuan bertan.