Idiazabal

Laguntzaileak kantineren partez biharko haurren danborradan

Kantu jirak hasiera eman zion aurtengo San Blas jaietako ekintza planari. Gaurkoz, eguneko plana goiz hasiko da. 10:00etan Compact Sporting Plater Hausketa saioa ospatuko da Altunariztiko kanpan. Ordu berean, probintzia mailako bolo txapelketa burutuko da bolatokian, goiza behar bezala hasiz. 11:45ean, Izarretan Dantzan dantza saioa eskainiko da Igarondo frontoian, eta arratsaldean, 17:30etik aurrera, Herri Kirol Dema ospatuko da (Igarondo) Makalaaak eta Ampo taldeen artean. 19:30eean txistulari ohien kalejira burutuko da, eta 20:00etan, XXXII. Txistularien Alardea ospatuko da Zelaa Kiroldegian.

Aurten XLIII. Herri Krosa burutuko da. 10:45etan haurren txanda izango da, eta 12:00etan berriz, kadete eta helduak izango ditugu lasterka herriko kaleetan. Festetako beste zita berezi bat ere bueltan izango da bihar. XLII. Berdintasunaren gaiaren inguruan egindako lanketaren ostean, aldaketekin abiatuko da haur danborrada 17.00etan. Aurtengoan, gizonezko zein emakumezkoek izango dute 'laguntzaile' (kantineren partez) aritzeko aukera, sexuen arteko berdintasuna bilatuz. Eguneko azkenak, futbito txapelketako finalerdiak izango dira. Arratsaldeko 19:00etan hasiko dira eta bertan aurtengo finalistak nortzuk diren ezagutzeko aukera izango da.