Lara eta Albeniz seigarren pilota txapelketako garaile

Atzo arratsaldean jokatu zen aurtengo binakako esku pilota txapelketaren finala. Ekainaren 30ean hasi zen txapelketa eta astero jokatu dira partidak. Ostiral arratsaldean, Igarondo pilotalekuko harmailetan, jende asko elkartu zen eta giro politta sortu zen.

Lehen partidan, hirugarren eta laugarren postuak erabaki ziren. Amiano eta Loza, aurretik geratu ziren Rekalde eta Zalakainen aurka 22 eta 18 irabazi ondoren. Finaleko partidan, Apezetxea eta Gabirondok, Lara eta Albenizen aurka jokatu zuten. 15 eta 22ko emaitzarekin, Lara eta Albenizek lortu zuten 2022ko txapela.