Lopez eta Aldasoro Gipuzkoako emakumezko pala txapelketako garaile

Aurreko asteburuan, Gipuzkoako bigarren mailako emakumezkoen pala txapelketako finala jokatu zen Hernanin eta Amaia Lopez Aizpeolea idiazabaldarrak, garaipena eskuratu zuen Naiara Aldasoro ataundarrarekin batera eta txapelketako txapela jantzi zuten.

Gaur gauean, 22:30etik aurrera, ligako zortzigarren jardunaldiko partida jokatuko dute areto futboleko mutilek etxean, Zelaako kiroldegian. Aste honetan, Herrikide areto futbol taldea izango dute aurkari.

Aurreko asteburuan berriz, ligako zazpigarren jardunaldia jokatu zuten Idiazabalgo areto futboleko mutilek. Tolosan jokatu zuten ostiral iluntzean TEEP Tolosala taldearen aurka eta zazpi eta hiruko emaitza batekin, esku hutsik bueltatu ziren etxera.

Idiazabaldarren alde, Aimar Balerdik gol bat eta Imanol Irazustabarrenak bi gol sartu zituzten Tolosalaren atean.

• Temas
• Guipúzcoa