Idiazabal

Mendizaleak Irulegira joango dira ekainean

Aurtengo ibilaldien programazioari jarraituz, ekainaren 21ean Idiazabal Kirol Elkarteko Mendi Sailak Nafarroako Irulegiko ingurua ezagutzeko ibilaldia antolatu du. Ibilaldiak bi osagai nagusi izango ditu. Batetik, bidean zehar, Irulegiko gaineko Erdi Aroko gaztelua eta beraren ondoan dagoen Burdin Aroko aztarnategia bisitatzeko asmoa dute, eta bestetik, leku horren inguruan, egun pasako ibilaldia izango da. Noaindik abiatuta, mendiz mendi Iruñerria inguratzen duen GR bideari jarraituko zaio. Parte hartzaileek goizeko 8:00etan Idiazabalgo plazan azaltzea besterik ez dute (itzulera 19:00ak aldera).