Ane Mintegi Donostiako Nazioarteko Irekian izango da

Ane Mintegi izango da Donostiako Nazioarteko Irekiaren lehen edizioko tenislarietako bat. Idiazabalgo tenislariak, 2021ean Wimbledon Junior txapelketa irabazi eta gero, antolatzaileen gonbidapena jaso du emakumezkoen txapelketa berri honetan parte hartzeko.

Open txapelketa gaur hasiko da, eta astebete geroago amaituko da, Donostiako Real Club Tenisen finalak jokatzen direnean.

Mintegik, berriz zapalduko ditu Ondarretako tenis pistetako lurrak, bertan eman baitzituen lehenbiziko pausoak. Mintegi abuztuan bueltatu zen pistetara, lesio baten ondorioz zazpi hilabetez geldi egon ondoren. Astearte arratsaldean jokatuko du.