Mundu guztiko futbol taldeak astelehenetik aurrera Idiazabalen

Donosti Cup, nazioarteko futbol txapelketak, 30. edizioa du aurtengoa. Denera, 19 herrialde ezberdin izango dira parte hartuko dutenak. Partidak jokatzeko, 30 egoitza izango ditu txapelketak eta horietako bat, Idiazabal izango da. Idiazabalen jokatuko diren partida hauek, Arizkorreta futbol zelaian jokatuko dira eta denera, 36 izango dira.

Euskal taldeez gain, Portugal, Katalunia, Madril, Palestina, Libano, Frantzia eta Mexikoko taldeak izango dira besteak beste Idiazabalen. Lehenbiziko partida, astelehen honetan izango da, goizeko 10:00etan, Libanoko Samaya FA eta Kataluniako San Andrewren artean eta uztailak 8an jokatuko da azkenekoa.