Idiazabal

San Ferminak Idiazabalera ere iritsi ziren

Udalekuak aurrera doaz Idiazabalen, eta pasa den ostiralean, San Fermin jaien hasierarekin batera, txupinazoa egin zuten parte-hartzaile guztiek.

Eguerdiko 12:00etan burutu zuten ekintza, eta erropa zuri zein zapi gorrik erabili nahi izan zituzten Iruñako giroan sartzeko. Udaletxe atzeko kantxan gainera, korrika saio ederraz gozatu zuten bertara gerturatu ziren buruhandien eskutik.

Eguraldia ere alde izan zuten, eta goiz polit batez gozatzeko aukera izan zuten.

Ez ziren falta izan gozokiak ere, eguna guztiz borobiltzeko, eta gaztetxoak gogoz hartu zuten egun berezia.

• Temas
• Jaiak