Zuhaitz erorketak haizetearen ondorioz

Asteburu honetan izan diren haize boladek, zenbait kalte utzi dituzte herrian. Horietako bat, Arizkorreta futbol zelai pareko zuhaitz batekin izan da. Zuhaitzetako baten adarrak, errepidera erori ziren eta hauek, ibilgailuen joan etorria oztopatzen zuten. Goizean zehar, udal langileek eta suhiltzaileek errepidea garbitu eta zirkulazioa martxan jarri zen eguerdirako.

Idiazabal Bai Reformaseko senior mutilek, etxean jokatu dute pasa den asteburuan. Ostiralean, gaueko 22:30ean izan zen partida Idiazabalgo Zelaako kiroldegian eta Donostiako Martutene La Terraza izan zuten aurkari. Ligako 4. Jardunaldi honetan, Donostiara joan zen garaipena, 3 eta 8ko emaitza batekin. Etxekoen golak, Alex Anduagak, Imanol Irazustabarrenak eta Eneko Garmendiak egin zituzten.