Tolosa Goierri

Igandean burutuko den auzolanean parte-hartzeko azken deia

Igande honetan, martxoaren 30ean, auzolana egingo da herrian, eta gaur amaituko da bertan parte hartzeko izen-emate epea. Herritarrek bi talde ezberdinetan parte hartu ahal izango dute, ingurua garbitzeko eta txukuntzeko lanetan lagunduz.

Lehen taldea goizeko 08:30ean abiatuko da San Martingo plazatik. Parte-hartzaileek Iturrioz inguruko meategiak leheneratzeko eta zaborra biltzeko lanak egingo dituzte. Bigarren taldea, berriz, 09:00etan elkartuko da eskola atarian, eta Astigarraga eta Arrondon txukunketa lanetan arituko da. Talde honek hainbat zeregin izango ditu, hala nola zaborra jasotzea, eskolako hare-kutxak betetzea eta barandak margotzea. Jarduera hau txikienentzat aproposa izango da.

Auzolanean parte hartu nahi dutenek galdetegia bete behar dute, herriko WhatsApp taldean partekatu den estekaren bidez. Izena emateaz gain, hamaiketakoa antolatzeko lagungarria izango da erregistroa.

Bestela ere, udaletxera deituta (943 18 00 11 telefono zenbakian) edo pertsonalki bertaratuta ere, berta izena emateko aukera egongo da.

Udaletik gogoratu dute berebiziko garrantzia duen auzolanean parte hartzeko, ez dagoela adin tarterik, eta bizilagun guztien laguntza ongietorria dela herria behar bezala manten-tzeko.