Izarra Urdalletak alkatetza kargua hartu zuen Seguran

Herriko Udalbatza osatuta geratu zen atzo eta Izarra Urdalleta izango da alkate datozen lau urteetan. 12.00etan burutu zen atzoko ekitaldia udaletxeko Pleno Aretoan. Udal idazkariak hartu zuen hitza eta, Udalbatza osatzeko baldintzak betetzen zirela jakinarazi ondoren, zinegotziek beraien karguak hartu zituzten, Udalbatza osatuta geratuaz. Izarra Urdalleta, Ekhi Albizu, Iosune Telleria, Egoitz Apaolaza eta Ana Zeberio EH Bilduren aldetik, eta Karmele Arruabarrena, Joxe Mari Muñoa, Kruz Alberto Rekondo eta Xabier Olaziregi EAJ-PNVren aldetik. Alkatea aukeratzeko bozketa egin zen gero eta, eta EH Bilduko 5 botoak jaso ondoren, alkate karguari zin egin zion Izarra Urdalletak