Lazkao

'Azken galdera amari' liburua aurkeztuko da Lazkaon

Manex Beristain Agirre eta Mirari Sagarzazu Sacristan idazleek idatzitako 'Azken Galdera Amari' liburuaren aurkezpena jasotzeko prestatzen ari dira lazkaotarrak. Ekitaldia maiatzaren 10ean, ostirala, arratsaldeko 17.00etan egingo da Lazkaoko Udal Liburutegian.

'Azken Galdera Amari' saioak irudimenez eta gogoetaz betetako bidaia batera gonbidatzen ditu adin guztietako irakurleak. Benetako gertakarietan oinarrituta, liburu honek giza esperientziari benetako begirada eskaintzen dio, heriotza, dolua, bakardadea, galera eta beldurra bezalako gaiak aztertuz.

Haurrak gurasoen edo tutoreen laguntzarekin joatea gomendatzen da. Aldez aurretik Udal Liburutegian izena eman beharko da taldea behar bezala antolatu ahal izateko aurkezpen egunean.

Aurkezpen saioan, liburuaren inguruan hitz egiteaz gain, protagonistek bertaratzen diren guraso zein gaztetxoekin lanketa bat egingo dute, gaia ikuspuntu natural batetik landuz, eta gure gizartean tamalez askotan bizitzen diren kasuak aztertuz. Tabuak alde batera utzita, gaia errespetuz landuko da eta herritarrak gonbidatu nahi izan dituzte.