Lazkao

Beñat Senar eta Kepa Galparsoro irabazle Lazkaomendiko VII. musean

Pasa den larunbatean Lazkaomendiko VII. Mus Txapelketa jokatu zen. Beñat Senar eta Kepa Galparsoro ataundarrek irabazi zuten lehen saria, 1.000 euroko sari nagusia eta txapela Ataunera eramanez. Lartxai elkartean jokatu zen txapelketa, auzoko jai-egitaraua bukatzeko. Denera 47 bikotek parte hartu zuten bertan, sari oparoek erakarrita.

Urko Irisarri eta Beñat Verdugo beasaindarrak bigarren izan ziren 500 euroko saria jasoz. Hirugarren Xabier Garmendia-Aiert Amundarain lazkaotarrak izan ziren (200 euro), eta laugarren Txomin Leturia-Aron Ueda ormaiztegiarrak (Lazkaoetxe jatetxean bi otordu).