Lazkao

Euskarazko adimen artifiziala hizpide Berriketanen

Berriketan solasaldia egitasmoa bueltan izango da datorren astean Gerriko txokoan. Aurtengo urterako hainbat ekitaldi burutzeko asmo irmoa erakutsi zuen antolakuntza taldeak eta urtea indartsu hasi dute. 'Makinei hizketan: euskarazko adimen artifiziala' hitzaldia burutuko da bertan, Xabier Arregi eta Olatz Perez de Viñaspre adituen eskutik (EHU-ko informatika Fakultateko eta HITZ Zentzoko kideak). Zita datorren asteazkenera begira (hilak 14) prestatu dute, eta 18.30ean burutuko da bertan. Herritarrak gonbidatu nahi izan dituzte solasaldiaz gozatu eta haien galderak ebazteko tartea baliatzera.