Iztueta baserrian bisita berezia antolatu dute larunbaterako

Josu Zabala Barandiaran

Lazkao

Jueves, 5 de diciembre 2024, 15:42

Comenta

Iztueta baserriak, belaunaldiz belaunaldi esne-behien zaintzan eta kalitatezko produktuen ekoizpenean esperientzia handia duen etxaldeak, larunbaterako jarduera berezi bat proposatzen du familientzat. Gipuzkoako Parketxe Sarea Fundazioarekin elkarlanean antolatutako bisitan, baserriko bizimodua eta bertako produktuak hurbiletik ezagutzeko aukera izango dute bisitariek.

Goizeko 11.00etan hasiko den eta bi orduko iraupena izango duen jardueran, bisitariek abereak, ukuiluak, zelaiak, esnetegia eta baserria bertatik bertara ikusi ahal izango dituzte. Gainera, kalitate handiko produktuak dastatzeko eta Iztueta Baserriak zaintzen duen ingurune paregabeaz gozatzeko aukera izango da.

Ekitaldian parte hartzeko prezioa 12 eurokoa da helduentzat eta 6 eurokoa haurrentzat, eta aurrez izena ematea ezinbestekoa da. Interesdunek Aralarko parketxera deitu dezakete 943 18 03 35 edo 688 895 069 telefonoetara, edo mezu bat bidali barandiaran@gipuzkoanatura.eus helbidera.