Lazkao

Lazkaomendiko festetan gozatzeko egitarau zabala asteburuan

Atzoko txupinazoaren jaurtiketa ostean, festak aurrera egingo du gaurko egunez. Goizean (10:00etan), Lazkaomendiko XLVIIl. Txirrindularitza Proba jokatuko da, ondoren pilota erakustaldia eskainiko dute 10:15ean. Herri kirol lehiaketa, berriz, 17:30ean izango da, beteranoen, gazteen eta Zaldibiako ordezkarien parte-hartzearekin. Egunari jarraipena emateko, Ane Urretabizkaia, Saioa Berasategi, Uxue Kerejeta eta Eider Tolosa trikitilariek giroa alaituko dute, 19:00etan hasita. Amaitzeko, afaria gozatuko dute, eta Oixani DJak erritmoa jarriko du 21:00etatik aurrera. Ondoren, trikitilarien bigarren emanaldia ere izango da, 22:00etan.

Bihar, oinezkoentzako eta txirrindularientzako zeharkaldiekin hasiko da eguna, goizeko 08:15ean eta 08:30ean, hurrenez hurren. 11:00etan haur jolasak eta trikitilarien musika izango dira Oin Arin eta LTMErekin, eta ondoren meza izango da 12:30ean.

Arratsaldeko 16:30ean Po-txin eta Patxin pailazoek ikus-kizuna eskainiko dute eta 18:00etan harri-jasotze erakustaldia izango da. Ospakizunak 19:00etan jarraituko du Maialen Lujanbio eta Andoni Egaña bertsolariekin, eta jaia, lzer eta Ali trikitilarien emanaldiarekin amaituko da 20:00etan. Honetaz guztiaz gain, hilaren 11n, mus txapelketa jokatuko da bertan.