Lazkao

Mintzalaguna martxan jartzeko lehen bilera gaur arratsaldean

Nahiz eta askorentzat jada oso ezaguna den, gaur arratsaldean, 18:30etik aurrera, 'Mintzalaguna' egitasmoaren nondik norakoak azaltzeko lehen bilera burutuko da Gerriko aurrean. Lagunak, kafea, paseoa, kontuak eta komeriak euskaraz lantzeko aukera paregabea eskaintzen duen taldea da hau, eta 2023-24 ikasturtera begira, berriro ere martxa hartzeko asmoa dute partaideek.

Antolatzaileek parte hartu nahi duten pertsonak animatu nahi dituzte eta honen gainean informatu, planaren nondik norakoak ezagutu eta nola funtzionatzen duen jakiteko, lehen aurkezpena egingo dute gaur.