Lazkao

Udako geldialdiaren ostean bueltan da Kantu-Jira

Gaur hasita eta ostiralero Lazkaoko Kantu-Jira bueltan izango da goizeko 10:45etik aurrera. San Benito ikastolak antolatuta, herrriko plazan bilduko da taldea eta kantu-saio ederra eskainiko du bertatik. 'Bizitza kantu bat da' (Imanol Urbieta), 'Gu geu garena' (ETS eta Shune), 'Euskaraz bizi nahi dut' (Esne Beltza) eta beste hainbat abesti entzungai izango dira bertan.

Ikastolako ikasle eta irakasleak, Maizpideko kideak eta herritarrak ere bertan izango dira, elkarrekin 10 minutuko kantu saiotxoaz gozatzeko. Jada parte hartu dutenak eta bertan hasteko asmoa dutenak gonbidatu dituzte, denak baitira ongietorriak.