Aldaieta jubilatu elkarteak elikagai bilketa hasiko du bihartik martxoaren 3ra

Aldaieta Jubilatu Elkarteak elikagaiak biltzeko kanpaina bat jarri du martxan. Legorretako zenbait familiari laguntzeko asmoa du kanpainak, eta herri osoari zabaldu nahi izan diote gonbitea. Elikagaiak, bihartik, hilaren 27tik hasita, martxoaren 3ra bitartean elkartearen lokalean utzi ahal izango dira. Lokaleko ordutegitik kanpo ere utzi ahal izango dira, tabernatik lokalera sartuta. Herritar guztiak gonbidatu nahi izan dituzte kanpainan aktiboki parte hartzera, eta esne ontziratua, olioia, gailetak, txokolatea, eta bestelako elikagaiak gerturatu ahal direla azaldu dute.