Artisautza azoka ospatu zen plazan larunbatean

Larunbat goizean ekitaldi ugari ospatu ziren Legorretako plazan. Talidomidak kaltetuen aldeko herri-lasterketa antolatu zen, eta aldi berean artisautza-azoka zein garagardo-azoka ospatu ziren. Plazan hainbat garagardo mota ezberdin dastatzearekin batera, musika kontzertuak ere izan ziren egunean zehar.

Bestalde, bost artisauk jarri zituzten postuak elizako zimitorioan beren produktuak erakutsi eta herritarrei ezagutarazteko. Besteak beste, haurrentzako jostailuak, apaingarriak eta osagarriak ikusi ahal izan ziren, baita ere Amesgile argitaletxe legorretarrak orain arte argitaratu dituen haurrentzako zein helduentzako liburuak.