Legorreta

Azintzio egun ederra Legorretan

Azintzio jaietan erabat murgildurik daude legorretarrak eta atzokoan zaindiariaren eguna giro bikainean ospatu zuten. Ohiko soka dantzak Irrintzi Alai dantza taldea, Elegunea euskara taldea, Pikuk kirol kluba, Ugarotarrak Guraso elkartea, Elekun abesbatza eta udaleko zinegotziak elkartu zituen, eta ondoren sagardo dastaketa izan zuten. Gau partean, batukada eta Korrontzi taldearen emanaldia izan ziren protagonista. Gaur ere egun osoko programa izango dute. Goizean, puzgarriak, eta pote, igel eta toka txapelketa , plazan. Gero herri bazkaria; arratsaldean haurren playbacka eta gauean helduen playback saioa eta DJ Bullen emanaldia.