Legorreta

Azintzio jaietako bazkari eta afarian izena emateko epea zabalik

Azintzio jaietan burutzen diren herri bazkari eta afarian parte hartzeko txartelak salgai daude jada. Asteazkeneko afariko tiketak, 15 euroren truke eskuratu ahalko dira (langabetu eta ikasleak 10). Ostiraleko bazkariko tiketak berriz, 30 euroren truke (arkumea) salduko dira. Hauek erosteko, Insaustira, Aldaietara edo liburutegira gerturatu beharko dira interesdunak. Erosketa epea datorren maiatzaren 5era arte luzatu dute antolatzaileek.

Bihar eta asteartean, Aldaieta elkarteak ekainean Peñiscolara egingo duen irteeran parte hartzeko epea zabalduko da, interesdunek bertan parte hartu ahal izateko. Horretarako, Aldaieta elkartera gerturatu beharko dira, 11:30etik 12:30era bitartean. Herriko jubilatuak gonbidatu dituzte elkartetik, bidaian izena eman eta taldean gozatzeko.