Legorreta

Azintzio jaietako prestaketa bilera burutuko da arratsaldean

Udaleko kultura, kirol, eta euskara lantaldeek Azintzio festak antolatzeko bigarren bilera deialdia egin dute. Bilera gaur izango da, 17.30ean, udaletxeko areto nagusian. Herriko taldeetako ordezkariak eta eragileak deitu dituzte parte hartzera. Jaiei hasiera emango dien suziria nork jaurtiko duen eta mozorrotzeko gaia zein izango den aukeratuko dute bertan, eta herritarren gustokoa izateko, bizilagunen parte hartzea eskatu dute.