Legorreta

Betzaida Urtaza eta 'Hondartza' bihar arratsaldean liburutegian haurrentzat

Bihar 18:00etan, udal liburutegiak Betzaida Urtaza ipuin kontalari legorretarraren saioa hartuko du, bere azken ikuskizuna, 'Hondartzan', aurkezteko. Ipuin saioa bereziki bideratuta dago 3 eta 8 urte bitarteko haurrei, eta sormenez eta magiaz betetako uneak eskainiko ditu txikienentzako.

Saio honetan parte hartzeko ez da beharrezkoa aurrez izena ematea, beraz, familiek aukera izango dute liburutegira bertaratzeko eta Betzaidaren ipuin kontaketa gozatzeko. Izan ere, ikuskizunak haurrei ipuinen mundu liluragarrian murgiltzeko aukera paregabea eskainiko die.