Bizikleta Eskolan izena ematea irekita dago

Aurten ere Bizikleta Eskola martxan jarri du Legorretako Udalak. Hiru hilabeteko ikastaroa izango da, urriaren 19tik abenduaren 14ra bitartean, eta eskolak asteazken arratsaldetan emango dira 14:30etik 17:30era. Adinaren eta mailaren arabera ordubeteko edo bi orduko saioak izango dira.

Ikasleek hiru maila nagusitan izena eman dezakete: Hastapena, XC eta Enduro. Hastapena sei urtetik gorakoei zuzenduta egongo da. Legorretarrek 30 euroko prezioa ordaindu beharko dute eta beste herrietakoek 45 euro. XC maila hamar urtetik gorakoei zuzenduta dago eta Enduro modalitatea hamabi urtera artekoei. Bi maila hauetan Legorretan erroldatuek 60 euro ordaindu beharko dituzte eta gainontzekoek 90 euro. Izena emateko Legorretako Udalaren webgunean dagoen formularioa bete eta ordainagiria erantsi beharko da, urriaren 13a baino lehen.

Legorretako Udalak peoi lanak egiteko langile bat kontratatuko du Lanbideren dirulaguntza baten bidez. Kontratua sei hilabeterako izango da eta izena ematea Lanbiden bertan egin beharko da urriaren 14a baina lehen.