Corpus egunerako mahaiak eskatu daitezke Udaletxean

Legorretan Corpus eguneko ohitura berreskuratuz zahagi-ardoa eta meriendak egingo dira plazan. Udaletxeko mahai eta aulkiak erabilgarri egongo dira larunbatean. Horretarako, Udaletxean bertan edo udalaren webgunean dagoen formularioaren bidez eskatu beharko dira, ostiraleko 13:00ak baino lehen. Mahai bakoitzeko bost euro ordaindu beharko dira eta aulki bakoitzeko euro bat. Mahai bakoitzean zortzi pertsona sartzen dira mahaiburu eta guzti.

Eskatutako mahaiak eta aulkiak ostiralean jaso beharko dira udalaren biltegian 20:00etatik 21:00etara eta itzuli larunbatean 23:30etik 00:30etara.