Datorren astera atzeratu da Hirigintza Planaren aurkezpena

Legorretako udalak gaur egitekoa zen Hirigintza Plan Orokorra datorren asteko asteazkenera, martxoaren 23ra, atzeratu duela jakinarazi du. Aurkezpena Herri An-tzokian egingo da, 18:00etatik aurrera, eta bi orduko iraupena edukitzea aurreikusten da.

Ekitaldian Hirigintza Plan Orokorraren tramitazioaren nondik norakoak azalduko dira, orain arte egindako lana zehaztuz, zein joaten diren herritarren ekarpenak jasoz. Udal taldearekin batera planaren aurre diagnostikoa idatzi duen talde teknikoa ere bertan izango da.

Esti Curiel aktoreak '35 huts' antzezlana aurkeztuko du bihar, ostiralean, martxoaren 18a. Miren Gojenolak zuzendutako bakarrizketa honetan, bidegurutzean aurkitzen den emakume baten egoera azalduko da umorearen eta poesiaren bitartez. Saioa doakoa da eta 18:00etan hasiko da Herri Antzokian.