Legorreta

Eguneko Arreta Zerbitzua oporretan irailera bitartean

Udalak eskaintzen duen Eguneko Arreta Zerbitzuaren 2023-2024 ikasturteari itxiera eman diote. Irailean, bueltan izango da autonomia eta harremanak sendotzea xede duen zerbitzua, eta herritarrak bertan parte hartzera gonbidatu nahi izan dituzte.

Ohiko bizimoduarekin jarrai-tzeko bidea eman eta harremanak sendotzeko pentsatutako ekintzak burutu ditu taldean urtean zehar. Horretaz haratago, oinarrizko elikadura eta higiene premiak asetzeko ere balio du: jangela zerbitzua ere eskaintzen bait da bertan, beste zerbitzuen artean.

Ikasturte honetan zenbait ekintza burutu dituzte parte hartzaileek, esaterako Ugaro Ikastetxeko umeekin elkartu dira astean behin, lorezaintza lanak eta tailer desberdinak ere egin dituzte,... Bestalde, Donostiako Aquarium-era irteera ere egin zuten ikasturtea amaitzeko, eta elikadura osasuntsuari buruzko tailerra eta hainbat ospakizun ere egin zituzten.