Eguneko Arreta Zerbitzuak irailean hasiko du ikasturtea

Abuztuan atsedenaldia egin ondoren, bihar osteguna, irailaren 1a, berriz hasiko da Eguneko Arreta Zerbitzua. Izena ematea irekita dago interesa dutenentzat. Antolatzen diren tailerretan zein otorduetan izena eman dezakete.

Urteko lanegun guztietan emango da zerbitzua, Aste Santuko Pazko Astean, abuztuan eta abenduaren 24tik urtarrilaren 6ra bitartean izan ezik. Goizeko tailerrak 11:30etik 13:30era izango dira, segidan 15:30ak arte bazkarirako eta atsedenerako tartea egongo da eta ondoren arratsaldeko saioa egingo da 17:30a arte. Informazio gehiagorako Gizarte Zerbitzuetara deitu daiteke 943.085.290 edo 688.829.013 zenbakietara.