Legorreta

Ehundik gora haur eta gaztek parte hartu dute aurten udalekuetan

Uda honetan ere Legorretako Udalak herriko haurrentzako eta gazteentzako ekintzak antolatu zituen. Haurrek udaleku irekiak izan dituzte uztailean eta gazteentzako irteerak egon dira.

Haurren udaleku irekietan 95 ikaslek parte hartu zuten, hamahiru begiraleren ardurapean. Herrian bertan egindako ekintza eta jolasez gain, irteerak ere egin zituzten, besteak beste, Ordiziako azokara, Ikaztegietara eta Tolosara bizikletan, eta Olaberriako igerilekura. Hauetaz gain, uraren eguna eta San Fermin eguna ez ziren falta izan, kalejira, entzierro eta guzti.

Bestalde, udako irteeretan 52 gaztek parte hartu dute, lau begiraleekin. Honenbestez, ekainaren 26an hasi zituzten ekintzak eta uztailaren 21era bitartean hainbat txoko ezagutu dituzte, Flyscharen ibilbidea Zumaiatik Debaraino, Hondarribira, Gorlizera, eta Bertizera, Elizondora eta Amaiurrera joan ziren herriko gazteak.