Legorreta

'Itzal(iko) bagina' bertso ikuskizuna bihar antzokian

Bihar arratsaldean, Emakumeen aurkako Indarkeria Ezabatzeko Nazioarteko Eguna dela eta prestatutako egitarauari hasiera emango zaio herrian. Hausnarketa eta sentsibilizazioa sustatzen duen agenda batekin. Jardunaldia 19.00etan hasiko da Herri Antzokian, eta bertan 'Itzal (iko) bagina: zeharkatu gaituen performatzen' bertso ikuskizuna aurkeztuko da, Araitz Katarain, Janire Arrizabalaga eta Izaro Bilbao bertsolariek osatutako Lokatz Loreak taldearen eskutik. Beren bertsoen bidez, genero-indarkeriak gizartean duen eragina, erresistentzia eta identitatea bezalako gaiak aztertuko dira.