Kale Nagusiko zuhaitzak aldatu dira

Legorretako udalak Kale Nagusian zeuden zuhaitzak aldatu berri ditu. Parkearen parean zein zubiraino landatuta zeuden zuhaitzak kendu dira eta berriak landatu dira, estruktura egokiagoa duten batzuengatik.

Lehengo zuhaitzak katalpa motakoa ziren, baxuak eta adar zabalekoak, eta ibilgailuak ondotik pasatzerakoan, bereziki kamioiak, adarrak puskatzen zitzaizkien. Oraingoan 'Dawyck' motako pagoak jarri dira, adarrak gorantz, enborretik gertu hazten zaizkienak.

Kanposantu azpitik igarotzen den errepide zatiaren ondoan, datozen asteetan mendiari eusteko lanak egingo ditu Foru Aldundiak, Mendian dauden harriak ez erortzeko. Lanak hasi bitartean, oinezkoentzako segurtasuna bermatzeko tunela jarri da.