Legorreta

VI. lasterketa solidarioko izen emateak zabaldu ditu jada Pikuk Atletismo taldeak

Pikuk atletismo klubak antolatutako lasterketa solidarioa datorren asteburuan (larunbata, hilak 16, 11:00etan) egingo da herrian. Aurtengoa seigarren edizioa izango da, eta beste urte batez laguntza eskaintzeko baliagarria izango den dirua lortzeko helburuz antolatu da. Proban parte hartzeko, aurrez izena eman beharko da (hilaren 15era arte irekita). Izen-emateak internet bidez burutu ahal dira www.kirolprobak.com helbidean, 7 euroren truke.

Bertan lortutakoa Gautena elkarteari bideratuko zaio; autismoarekin lanketa handia egiten duen taldea da. 200 korrikalariko langa ezarri dute antolatzaileek, eta lasterkariak animatu nahi dituzte batera korrika egin eta haien helburuan laguntzeko.