Legorreta

Literaturaz betetako bi saio herritarrentzat Legorretan

Mertxe Aizpurua ipuin kontalariak saio berezi bat eskainiko du datorren asteazkenean, hilak 31, kultur etxean. Saioari arratsaldeko 18.00etan emango zaio hasiera eta 4 eta 8 urte bitarteko gazteentzat egongo da bideratua. 'Beldurra zer ote?' izenpean, Aizpuruak herriko gaztetxoekin ondo pasatzeko saioa prestatu du.

Datorren hilaren 6an, asteartearekin, Manex Beristain eta Miren Sagarzazuren 'Azken galdera amari' ipuina aurkeztuko da. Heldu zein haurrentzat zuzenduta dagoen saioa izango da, eta arratsaldeko 18.00etatik aurrera burutuko da udaletxeko areto nagusian.